ავტორიტეტულმა სააგენტო Reuters-მა „საყოველთაო სახალხო შეკრება“ როგორც „უცხო ქვეყნის აგენტების კანონის“ წინააღმდეგ ოპოზიციის პროტესტი გააშუქა.
როგორც Reuters-ის Facebook-ზეა აღნიშნული, მიმდინარე კვირაში პარლამენტში განახლდა „უცხოელი აგენტების“ კანონის განხილვა, რასაც მორიგი საპროტესტო აქცია მოჰყვა.
სინამდვილეში ამ წუთებში რუსთაველის გამზირზე მრავალათასიანი „საყოველთაო სახალხო შეკრება“ მიმდინარეობს, რომლის მთავარი გზავნილებია – მამული, ენა, სარწმუნოება, ევროპისკენ ღირსებით სვლა, ეროვნული პოლიტიკა და სუვერენიტეტი.
„ქართული ოცნების“ აღმასრულებელი მდივნის, მამუკა მდინარაძის ინფორმაციით, შეკრებაზე სიტყვით გამოსვლებია დაგეგმილი. სიტყვით გამომსვლელებს შორის იქნებიან პოლიტიკოსები და „ქართული ოცნების“ ახალგაზრდული ორგანიზაციის წარმომადგენლები.
რუსთაველის გამზირზე ხალხს სიტყვით მიმართავს „ქართული ოცნების“ საპატიო თავმჯდომარე ბიძინა ივანიშვილი.