გარკვეული ძალები, რომლებიც ვერაფრით ეგუებიან, რომ საქართველომ უკრაინის ბედი არ გაიზიარა, არ იშლიან მცდელობას, ქვეყანა არიონ და ხელისუფლებაში ის ადამიანები დააბრუნონ, რომელთა მმართველობამ საქართველოს უამრავი უბედურება მოუტანა, – ამის შესახებ პარტია „ქართული ოცნების“ გენერალურმა მდივანმა, კახა კალაძემ პარლამენტთან, „ქართული ოცნების“ მიერ ორგანიზებულ საყოველთაო-სახალხო შეკრებაზე განაცხადა.
როგორც კახა კალაძემ აღნიშნა, ქართველი ხალხი ამას არ დაუშვებს.
„ჩვენ გვაქვს მიზანი, საკუთარი იდენტობით და სუვერენიტეტით, მყარი მორალური ღირებულებებით, ოჯახის სიმტკიცით, სარწმუნოების ხელშეუხებლობით, სრული დამოუკიდებლობით გავხდეთ დიდი ოჯახის წევრი, რასაც ევროპული ოჯახი ჰქვია“, – განაცხადა კახა კალაძემ.
კომენტარები