“ქართული ოცნების” თავმჯდომარემ ირაკლი ღარიბაშვილმა მოსახლეობას მიმართა.
“ჩემთვის დიდი პატივია მოგმართოთ, ვისთვისაც ხელშეუვალია ღირებულებები რომელიც უკავშირდება ღირსებას, თავისუფლებას და ჩვენი ქვეყნის სუვერენიტეტს. დღეს მახსენდება 2012 წელი, როდესაც თქვენ, ჩვენ და ქართველმა ხალხმა სწორედ თავისუფლების მოედანზე აჩვენა მთელ მსოფლიოს რომ თავისუფალ და მშვიდობიან საქართველოში სურს ცხოვრება. ბიძინა ივანიშვილის ლიდერობით ხალხმა ქვეყანა ანტიეროვნული, მჩაგვრელი და მოღალატე რეჟიმიდან გაათავისუფლა. დღეს აქ კიდევ ერთხელ შევიკრიბეთ, რომ ყველას ვაჩვენოთ რომ ღირსებას, სუვერენიტეტს და თავისუფლებას ბოლომდე დავიცავთ.
ჩვენმა ქვეყანამ და ერმა არაერთი რთული პერიოდი გამოვიარეთ, გავიარეთ თავისუფლებისთვის ბრძოლის, ავტოკრატიული რეჟიმის ურთულესი პერიოდები. დღეს მსოფლიოში დრამატული მოვლენები ვითარდება, მიმდინარეიბს ომები ახლო რეგიონში. თავად ჩვენი ქვეყნის ტერიტორიის 20% ჯერ კიდევ ოკუპირებულია რუსეთის მიერ, ამიტომ ჩვენი მიზანი და მთავარი ამოცანა სწორედ მშვიდობის და სტაბილურობის უზრუნველყოფაა. დღეს ყველამ ერთად უნდა გავაცნობიეროთ რომ მშვიდობას ალტერნატივა არ აქვს”.