პაკისტანის ჩრდილო-დასავლეთში, ხაიბერ-პახტუნხვას პროვინციაში ჩამოწოლილ მეწყერს 12 ადამიანის სიცოცხლე ემსხვერპლა. ინფორმაციას ჩინური მედია ავრცელებს.
სტიქია ზემო დირის რაიონში მოხდა, სადაც რამდენიმე დღის განმავლობაში გადაუღებლად წვიმდა.
მედიის ცნობით, დაღუპულები, რომელთა შორის სამი ქალი, ექვსი ბავშვი და სამი მამაკაცია, ერთი ოჯახის წევრები იყვნენ. მათ ეძინათ, როცა მეწყერი მათ სახლზე ჩამოწვა.
ყველა ცხედარი ნაპოვნი და ნანგრევებიდან ამოყვანილია. გაწმენდითი სამუშაოები გრძელდება. პაკისტანის ზოგ რაიონში კვლავ გადაუღებლად წვიმს.
კომენტარები