ეუთო/ოდირმა ეს არჩევნები დემოკრატიულად აღიარა. უკვე ნათელია, წინასაარჩევნო კამპანიას რატომაც არ ატარებდნენ. თავიდანვე შეგუებულები იყვნენ მარცხს და ამ პროცესებისთვის ემზადებოდნენ, – განაცხადა საპარლამენტო უმრავლესობის წევრმა აჩიკო ბერიძემ გადაცემაში „იმედი LIVE“.
მისი თქმით, მმართველი გუნდი ევროინტეგრაციის პროცესს გააგრძელებს.
„ხომ შეიძლება ერთი არგუმენტი მაინც იყო მოყვანილი, სად ეწინააღმდეგება კონსტიტუციას ბატონი პრემიერის განცხადება. ყველა მიღწეული შედეგი დაწყებული ასოცირების ხელშეკრულებიდან, დამთავრებული კანდიდატის სტატუსით, ეს ხომ ყველაფერი „ქართული ოცნების“ ხელისუფლების დროს შედგა? ჩვენ ხომ არ გაგვიცხადებია, რომ არ შევასრულებთ ასოცირების ხელშეკრულებას, ჩვენ ვაგრძელებთ ევროინტეგრაციის პროცესს, ასოცირების ხელშეკრულების შესრულებას, 2028 წლეს იქნება უდიდესი ნაწილი შესრულებული. უბრალოდ ვიღებთ დღის წესრიგიდან იმ საკითხს, რომ აღარ დავიწყებთ ხვეწნას. ხომ გვაშანტაჟებთ – მიშას თუ არ გამოუშვებთ არ მოგცემთ დაფინანსებას, ლგბტ პროპაგანდის საწინააღმდეგო კანონს თუ არ მიიღებთ, არ დაგიჯდებით მოსალაპარაკებლად… მუდმივად ხომ არ შეიძლება ამ ყველაფრით მანიპულირება. ამიტომ მოვხსენით დღის წესრიგიდან ეს საკითხი. დაგვიძახებთ მოლაპარაკების მაგიდასთან? – მოვალთ და გავაგრძელებთ. არ შეიძლება ცალმხრივად მიმდინარეობდეს ეს პროცესი და მუდმივად თავდაცვის რეჟიმში იყო“, – განაცხადა ბერიძემ.