აშშ-ის სახელმწიფო დეპარტამენტის სპიკერმა მეთიუ მილერმა ბრიფინგზე განაცხადა, რომ რუსეთის ტერორიზმის სპონსორ სახელმწიფოდ აღიარება ეფექტის მომტანი არ იქნება.
„ჩვენ არ ვთვლით, რომ ეს [ტერორიზმის სპონსორად აღიარება] მიმდინარე პოლიტიკური მიზნების მისაღწევად ეფექტური საშუალება იქნება, როცა საქმე რუსეთს ეხება“, – განმარტა მილერმა.
მისი თქმით, ის სანქციები, რომელიც უკვე მოქმედებს რუსეთის წინააღმდეგ და აგრეთვე ის, რომელიც უკანასკნელ კვირებშია მიღებული, პრაქტიკული შედეგების მომტანია. მილერმა აღნიშნა, რომ ახლა რუსულ ტანკერებს ნავთობის ჩამოტვირთვა აღარ შეუძლიათ. ისინი ჩინეთის ნაპირებს მიადგნენ და გაჩერდნენ.
როგორც მილერმა განმარტა, რუსეთის აღიარება ტერორიზმის სპონსორად საერთაშორისო ჰუმანიტარული ორგანიზაციების საქმიანობას შეზღუდავს, რაც სხვა პრობლემებს წარმოშობს და რეგიონში მათ მუშაობაზე აისახება.