“სახიფათო იყო იმის დაჯერება რომ კაცობრიობა სუვერენიტეტსა და იდენტობაზე უარს იტყოდა, რათა მსოფლიო მოქალაქე გამხდარიყო”

სახიფათო ილუზია იყო იმის დაჯერება, რომ ადამიანები, კაცობრიობა უარს იტყოდა ეროვნულ სუვერენიტეტსა და იდენტობაზე, რათა მსოფლიო მოქალაქე გამხდარიყო, – განაცხადა აშშ-ის არჩეული პრეზიდენტის, დონალდ ტრამპის მიერ სახელმწიფო მდივნის პოსტზე წარდგენილმა მარკო რუბიომ.

„ხანგრძლივი „ცივი ომის“ ტრიუმფალურად დასრულების შემდეგ ორპარტიულ კონსენსუსს მივაღწიეთ. ეს იყო კონსენსუსი იმის შესახებ, რომ ჩვენ ისტორიის ის ეტაპი დავასრულეთ და მსოფლიოს ყველა ერი დასავლური დემოკრატიის ნაწილი გახდებოდა. და რომ საგარეო პოლიტიკა, რომელიც ეროვნულ ინტერესებს ემსახურებოდა, ჩანაცვლდებოდა ლიბერალური დღის წესრიგით და ყველა უარს იტყოდა ეროვნულ სუვერენიტეტსა და იდენტობაზე, რათა გამხდარიყო მსოფლიო მოქალაქე“, – თქვა რუბიომ.

მისი აზრით, ასეთი მიდგომა და ფიქრი ამის შესახებ არ იყო მხოლოდ ფანტაზია, არამედ იყო სახიფათო ილუზია.