სლოვაკეთის პრემიერ-მინისტრი რობერტ ფიცო აცხადებს, რომ სლოვაკური მხარე უკრაინის პრეზიდენტთან, ვოლოდიმირ ზელენსკისთან შეხვედრის თარიღზე შესათანხმებლად მუშაობს.
„სლოვაკური მხარე მსჯელობს ზელენსკისთან შეხვედრის სხვა თარიღზე. როგორც კი ეს თარიღი გვეცოდინება, დაუყოვნებლივ გაცნობებთ“, – განაცხადა სლოვაკეთის პრემიერ-მინისტრმა.
ფიცომ ასევე აღნიშნა, რომ დამატებით განცხადებას გააკეთებს შეხვედრის ადგილთან დაკავშირებით.
შეგახსენებთ, სლოვაკეთის პრემიერ-მინისტრმა, რობერტ ფიცომ განაცხადა, რომ უკრაინის პრეზიდენტს, ვოლოდიმირ ზელენსკის გაზის ტრანზიტის შესახებ მოლაპარაკებებზე იწვევს. ვოლოდიმირ ზელენსკიმ რობერტ ფიცოს მიწვევას უპასუხა და აღნიშნა, რომ მას კიევში იწვევს. „კარგი. ჩამოდი კიევში პარასკევს“, – დაწერა ვოლოდიმირ ზელენსკიმ.
კომენტარები