აშშ-ის არჩეულმა პრეზიდენტმა დონალდ ტრამპმა საკუთარი კრიპტოვალუტა $TRUMP გამოუშვა. ამის შესახებ ტრამპმა სოციალურ ქსელში დაწერა.
როგორც მედია წერს, დღეიდან მომხმარებლებისთვის ხელმისაწვდომი გახდება 200 მილიონი მონეტა, ხოლო სამი წლის განმავლობაში საერთო მიწოდება ერთ მილიარდამდე გაიზრდება.
მედიის ცნობით, გამოშვებიდან პირველ საათებში მემკოინ $TRUMP-ის კაპიტალიზაციამ სამ მილიარდ დოლარს მიაღწია, ხოლო საათ-ნახევრის შემდეგ ოთხ მილიარდს გადააჭარბა.
პროექტის ვებგვერდი შეიცავს მის ფრაზას “იბრძოლე, იბრძოლე, იბრძოლე”, რომელიც მან 2024 წლის ზაფხულში მკვლელობის მცდელობის შემდეგ თქვა.
როგორ მედია წერს, ტრამპმა, რომელიც ადრე კრიპტოვალუტებს თაღლითობას უწოდებდა, აზრი საარჩევნო კამპანიის დროს შეიცვალა. ტრამპი ამომრჩევლებს დაჰპირდა, რომ აშშ-ს კრიპტოვალუტის მსოფლიო დედაქალაქად გადააქცევს.