რუსეთის პრეზიდენტმა ვლადიმირ პუტინმა აშშ-ს არჩეულ პრეზიდენტს ინაუგურაციის ცერემონიაზე ფიცის დადებამდე მიულოცადა თქვა, რომ რუსეთი ახალ ადმინისტრაციასთან დიალოგისთვის მზადაა.
უშიშროების საბჭო სხდომაზე ვიდეო ჩართვის დროს პუტინმა თქვა, რომ რუსეთთან დიალოგის აღდგენის შესახებ ტრამპის განცხადებები მოისმინა და წარმავალ ბაიდენის ადმინისტრაციას დააბრალა მოსკოვთან ურთიერთობის დაზიანება.
პრეზიდენტ ბაიდენს პუტინთან პირდაპირი საუბარი 2022 წლის თებერვალში რუსეთის მხრიდან უკრაინაში სრულმასშტაბიანი ომის წამოწყების შემდეგ არ გაუმართავს, თუმცა პენტაგონსა და რუსეთის თავდაცვის სამინისტროს შორის არსებობდა კომუნიკაციის შემთხვევები, ესკალაციის თავიდან ასარიდებლად.
“ჩვენ ასევე გვესმის მისი [ტრამპის] განცხადებები ყველაფრის გაკეთების საჭიროებაზე, რათა აღვკვეთოთ მესამე მსოფლიო ომი. ცხადია, ჩვენ მივესალმებით ამ დამოკიდებულებას და ვულოცავ აშშ-ს არჩეულ პრეზიდენტს მის ინაუგურაციას”. – თქვა პუტინმა რუსული სამთავრობო მედია TASS-ის მიხედვით.
პუტინის თქმით, მოსკოვი მზადაა აშშ-სთან “უკრაინის კონფლიქტის” შესახებ საუბარი გამართოს და “კრიზისის ძირეული მიზეზების აღმოფხვრა” მოითხოვა.