უნგრეთის მთავრობა გეგმავს შეუზღუდოს ლგბტ პრაიდის ორგანიზატორებს ყოველწლიური ღონისძიების ჩატარება ღია ცის ქვეშ. ინფორმაციას Reuters-ი ავრცელებს.
უნგრეთის მთავრობაში ერთ-ერთ მიზეზად, რის გამოც პრაიდის ღია სივრცეში ჩატარება მიზანშეწონილი არ არის, ბავშვთა დაცვას ასახელებენ.
უნგრეთის პრემიერის აპარატის ხელმძღვანელმა გერგეი გულაშმა აღნიშნა, რომ პრაიდი აღარ უნდა ტარდებოდეს ისე, როგორც უწინ.
მისი თქმით, ბავშვთა დაცვა საჭიროა. გულაშის განცხადებით, ის ვერანაირ რისკს ვერ ხედავს იმაში, თუ პრაიდი დახურულ სივრცეში გაიმართება.
უნგრეთის მთავრობა აღნიშნულ საკითხზე იმსჯელებს და მოგვიანებით შესაბამის კანონპროექტს წარადგენს.
კომენტარები