თუ არის ვინმე, რომელიც მესამე მსოფლიო ომს ეთამაშება, ის არა კიევში, არამედ მოსკოვშია. ასე გამოეხმაურა ემანუელ მაკრონი თეთრ სახლში მომხდარ ინციდენტს, რა დროსაც დონალდ ტრამპმა უკრაინელ კოლეგას განუცხადა, რომ მესამე მსოფლიო ომს ეთამაშება.
საფრანგეთის პრეზიდენტის თქმით, აგრესორი რუსეთია, უკრაინა კი არა მხოლოდ საკუთარ, არამედ ევროპის უსაფრთხოებასაც იცავს.
„თუ ვინმე მესამე მსოფლიო ომით თამაშობს, მისი სახელი ვლადიმირ პუტინია. სწორედ მან დაიწყო აგრესიის ომი სამი წლის წინ და სწორედ მან ჩამოიყვანა 10 ათასი ჩრდილოკორეელი სამხედრო ევროპულ მიწაზე. მან მოიპოვა ირანული დრონები ევროპულ მიწაზე გამოსაყენებლად, სანაცვლოდ კი ირანს ბირთვულ პროგრამაში დაეხმარა. ეს არის ადამიანი, რომელმაც ეს კავშირები კიდევ უფრო გაზარდა და ჩართო ჩინეთიც, შესაძლოა, მის საწინააღმდეგოდ, ორმაგი დანიშნულების მასალებით. ასე რომ, თუკი არსებობს პიროვნება, რომელიც გვემუქრება ბირთვული იარაღით და მესამე მსოფლიო ომით თამაშობს, ნუ ეძებთ მას კიევში, ეძებეთ ის მოსკოვში“, – აღნიშნა მაკრონმა.