დიდი ბრიტანეთი უკრაინას 5 000-მდე საზენიტო რაკეტის შესაძენად 1,6 მილიონ გირვანქა სტერლინგს გამოუყოფს, – განაცხადა დიდი ბრიტანეთის პრემიერ-მინისტრმა კირ სტარმერმა ლონდონში ევროპელი ლიდერების სამიტის დასრულების შემდეგ.
მისი თქმით, ახალი რაკეტები ირლანდიაში, კერძოდ, ბელფასტში იქნება წარმოებული. როგორც სტარმერმა აღნიშნა, ეს იქნება ბრწყინვალე მოვლენა ბრიტანეთის თავდაცვის სექტორისთვის, რადგან შექმნის ახალ სამუშაო ადგილებს.
„ეს იქნება სასიცოცხლოდ მნიშვნელოვანი კრიტიკული ინფრასტრუქტურის დასაცავად და გააძლიერებს უკრაინას მშვიდობის უზრუნველყოფაში, როცა ის დაისადგურებს, რადგან ჩვენ წარსულის შეცდომებზე უნდა ვისწავლოთ. ჩვენ ვერ მივიღებთ მინსკის ხელშეკრულების მსგავს სუსტ შეთანხმებას, რომლის დარღვევა რუსეთს მარტივად შეეძლება“, – აღნიშნა სტარმერმა.
კომენტარები