ავსტრიის ახალი კანცლერი „ავსტრიის სახალხო პარტიის“ ლიდერი კრისტიან შტოკერი გახდა. ინფორმაციას DW ავრცელებს.
შტოკერმა უკვე დადო ფიცი ავსტრიის პრეზიდენტის ალექსანდერ ვან დერ ბელენის რეზიდენციაში. „ის, რაც დიდი ხანი გრძელდება, სიკეთით მთავრდება“, – თქვა ქვეყნის პრეზიდენტმა ფიცის დადების ცერემონიის შემდეგ.
ავსტრიის ახალი ლიდერი სამპარტიულ კოალიციურ მთავრობას უხელმძღვანელებს. მის შემადგენლობაში გარდა „ავსტრიის სახალხო პარტიისა“, „სოციალ-დემოკრატები“ და პარტია „ნეოსი“ არიან.
ავსტრიაში კოალიციური მთავრობა ხუთთვიანი პოლიტიკური კრიზისის შემდეგ ჩამოყალიბდა. თითქმის ნახევარწლიანი პოლიტიკური ჩიხი გასულ წელს ჩატარებულ არჩევნებში ულტრამემარჯვენე თავისუფლების პარტიის გამარჯვებას მოჰყვა.
კომენტარები