სტამბოლში ირანის ერთ-ერთი ოპოზიციური ტელეკომპანიის GEM TV დამფუძნებელი, საიდ ქარიმიანი მოკლეს.
Associated Press-ის ცნობით, უცნობმა პირებმა ქარიმიანის ავტომობილს გზა გადაუჭრეს. როდესაც ის მანქანიდან გადმოვიდა, მისი მისამართით ცეცხლი გახსნეს.
ამასთან, ირანის ერთ-ერთი ტელევიზიის ხელმძღვანელი ავტომანქანაში ბიზნესპარტნიორთან ერთად იმყოფებოდა, რომელიც ასევე სროლის შედეგად დაიღუპა.
აღსანიშნავია, რომ ქარიმიანს თეირანის სასამართლომ დაუსწრებლად ექვსი წლით პატიმრობა მიუსაჯა. მას ირანის „ეროვნული ინტერესების საწინააღმდეგო იდეოლოგიის პროპაგანდაში“ დასდეს ბრალი.
კომენტარები