აშშ-ის პრეზიდენტმა, დონალდ ტრამპმა განაცხადა, რომ უკვე ახორციელებს ზეწოლას რუსეთზე, რათა ის დათანხმდეს სამშვიდობო შეთანხმებას უკრაინასთან.
ჟურნალისტის კითხვაზე, თუ როდის გაზრდის იგი ზეწოლას რუსეთზე, რათა ის დათანხმდეს სამშვიდობო დარეგულირებას, ტრამპმა განაცხადა, რომ „ძალიან დიდ ზეწოლას ახორციელებს რუსეთზე“.
„თქვენ არ იცით, რამდენად დიდ ზეწოლას ვახორციელებ რუსეთზე. და რუსეთმა ეს იცის, და მასთან დაახლოებულმა პირებმაც ეს იციან, წინააღმდეგ შემთხვევაში ის [ვლადიმირ პუტინი] ახლა არ ისაუბრებდა [სამშვიდობო შეთანხმებაზე]“, – აღნიშნა დონალდ ტრამპმა.
„მაგრამ ტანგოსთვის ორი ადამიანია საჭირო. და საჭიროა, რომ უკრაინასაც სურდეს შეთანხმების დადება. ახლა ისინი ძალიან ძლიერი დარტყმის ქვეშ არიან. და მე ვფიქრობ, რომ მათ სურთ გარიგების დადება. მინდა, რომ ერთ კვირაში გვქონდეს შეთანხმება. ახლა პასუხის გაცემის მიზეზი არ არის, მაგრამ, ასე ვთქვათ, კმაყოფილი არ ვიქნები. რაღაც მოხდება“, – განაცხადა მან.