ჩემთვის, როგორც რიგითი მოქალაქისთვის, მე გულწრფელად გეუბნებით ამას, ამ ქვეყანაში მშვიდობის და სტაბილურობის გარანტი არის ბატონი ბიძინა ივანიშვილი, – განაცხადა ირაკლი ღარიბაშვილმა ჟურნალისტებთან.
ამასთან, მან კიდევ ერთხელ განმარტა, რატომ მიიღო პოლიტიკიდან წასვლის გადაწყვეტილება.
„მე ასევე გითხარით, რომ ის საპატიო მისია, რომელიც დამეკისრა ჩვენი პარტიის დამფუძნებლის მხრიდან ჩემი პოლიტიკაში დაბრუნების შემდეგ, ჯერ მინისტრად, შემდეგ პრემიერ-მინისტრად დანიშვნით, შემდეგ კი პარტიის თავმჯდომარედ არჩევით, მიმაჩნია, რომ ეს საპატიო მისია შევასრულე და დღეს ვეღარ ვხედავ პოლიტიკაში დარჩენის საჭიროებას. შესაბამისად მინდა, რომ ეს დრო გამოვიყენო ჩემი ოჯახისთვის, ჩემი პირადი მიზნების განსახორციელებლად, მინდა, რომ ჩემი შესაძლებლობები მოვსინჯო სხვა სფეროში. ამიტომ, ძალიან გთხოვთ ყველას, რომ ნუღარ გავაგრძელებთ სპეკულაციებს თუ რატომ გადავდექი პარტიის თავმჯდომარის თანამდებობიდან, როდის დავბრუნდები და ა.შ. ჯერ ძალიან გთხოვთ, რომ მადროვოთ წასვლა“, – აღნიშნა ღარიბაშვილმა.