პარტია „ხალხის ძალის“ წევრი დავით ქართველიშვილი სამოქალაქო საზოგადოების ფონდის ევროინტეგრაციის პროგრამის მენეჯერის ვანო ჩხიკვაძის ბრიუსელისადმი თხოვნას, საქართველოსთვის შეწყდეს ვიზალიბერალიზაცია, ჟურნალისტებთან საუბარში გამოეხმაურა.
ექსპერტი ჩხიკვაძეს და მის თანამოაზრეებს მედროვეებად მოიხსენიებს, რომლებიც ინსტინქტების დონეზე ცხოვრობენ.
„ეს უსამშობლოების ტაქტიკაა იმ ქვეყანასთან, რომლის ვერც არსი გაიგეს და არც ისტორიის სჯერათ. ესენი არიან ტიპური მედროვეები, რომლებიც ინსტინქტების დონეზე ცხოვრობენ. ქვეყანას კი მხოლოდ ინსტინქტები არ ყოფნის – საჭიროა სულიერება, ნიჭი, ქართველობა, რომელიც სამი ათასი წლის განმავლობაში, როგორც მინიმუმ ერს ასაზრდოებდა და ამ ერში ჩნდებოდნენ და თანამედროვეობაშიც ჩნდებიან უდიდესი ტვინები, მსახიობები, ფილოსოფოსები, გენიოსები. ამ ყველაფრის ფონზე კი დღეს ჩვენ საქმე გვაქვს ქვეწარმავლებთან, მწერებთან, ტარაკნებთან, რომლებიც უკვე 13 წელიწადია ერთსა და იმავე აკეთებენ. იმის ჭკუაც არ აქვთ გააანალიზონ საკუთარივე წარუმატებლობა, შეცდომა, შეცვალონ მოქმედების ტაქტიკა და ბოლო-ბოლო ჭკუით გვაჯობონ.
ინსტინქტებისა და აღქმების დონეზე ჯერ იყო და ყველაფერს აკეთებდნენ იმისთვის, რომ ქვეყანას არ გაეკეთებინა ის, რაც თავად არ გააკეთეს 2003 -21012 წლამდე. ხომ შეეძლოთ ასოცირების ხელშეკრულების ხელმოწერამდე მიეყვანათ საქმე ბრიუსელთან? ეს აზრადაც არ მოსვლიათ იმიტომ, რომ სარფიანი ურთიერთობები ჰქონდათ და ალბათ აქვთ იმ კრემლთან, რომლისგანაც ჩვენი მისამართით ქმნიან სტიგმებს. დღეს ჩვენი მისამართით თითების გაშვერით არიან დაკავებული – მოსკოვში, როდის ვიყავი ბოლოს, არც კი მახსოვს და ხანდახან რუსულ ენაზე სტატუსს თუ გამოვაქვეყნებ ესეც მათ გასაგიჟებლად,“ – განაცხადა დავით ქართველიშვილმა.