ბოლო გამოკითხვის თანახმად, უფრო ნაკლებ ფინელს სჯერა ნატოს უსაფრთხოების გარანტიების მას შემდეგ, რაც აშშ-ის პრეზიდენტმა, დონალდ ტრამპმა ეჭვი შეიტანა იმაში, რომ აშშ უპირობოდ დაიცავდა მოკავშირეებს თავდასხმის შემთხვევაში. ინფორმაციას ამის შესახებ სააგენტო Bloomberg-ი ავრცელებს.
კერძოდ, ფინელების მესამედს სჯერა ნატოს კოლექტიური თავდაცვის შემაკავებელი ეფექტის, მაშინ როცა სულ რაღაც წელიწადნახევრის წინ ეს მაჩვენებელი ნახევარი იყო.
ასევე შემცირდა ფინეთის იმ მოქალაქეების რაოდენობა, რომლებიც ეთანხმებიან მოსაზრებას, რომ „ნატოს უსაფრთხოების გარანტიები იმდენად ძლიერი შემაკავებელი ფაქტორია, რომ ვერავინ გაბედავს ალიანსის წევრების შეხებას“.
ფინეთი ნატოში 2023 წელს, რუსეთის უკრაინაში სრულმასშტაბური შეჭრიდან ერთი წლის შემდეგ გაწევრიანდა.
კომენტარები