თვითმმართველობის არჩევნებთან დაკავშირებით რადიკალურ ოპოზიციაში არსებულ დაპირისპირებას საპარლამენტო უმრავლესობის წევრი გიორგი სოსიაშვილი გამოეხმაურა.
როგორც მან ჟურნალისტებთან საუბრისას აღნიშნა, რადიკალებში დაქსაქსულობაა და თვითონაც ვერ არიან გარკვეულები, რა უნდათ.
„პრინციპში, გარკვეულები არიან ერთ საკითხში, ელოდებიან პატრონების დავალებას. რა დავალებასაც მიიღებენ თავიანთი პატრონებისგან, ვინც მათ აფინანსებთ, ვინ მათ ეხმარებათ, ამ შემთხვევაში ისინი მიიღებენ გადაწყვეტილებას. ჩვენი საზოგადოებისთვის ამას არანაირი არსებითი მნიშვნელობა არ აქვს იმიტომ, რომ ჩვენ დამაჯერებლად, 64-ვე მუნიციპალიტეტში მოვიპოვებთ გამარჯვებას, ისეთ გამარჯვებას, როგორიც ეკადრება ჩვენს ხალხს, ჩვენი ხალხის ეროვნულ ინტერესებს“, – აღნიშნა მან.
თვითმმართველობის არჩევნებთან დაკავშირებით რადიკალურ ოპოზიციაში ისევ დაპირისპირებაა. პარტიებს ამ საკითხზე სხვადასხვა მოსაზრება აქვთ.