არ გააჩნიათ რაიმე სახელმწიფოებრივი იდეა, ისინი არიან დაქსაქსულები და სძულთ ერთმანეთი, იმიტომ რომ მათი მთავარი სურვილია როგორღაც ძალაუფლება ხელში ჩაიგდონ, შესაბამისად მიიღებენ მონაწილეობას ადგილობრივ თვითმმართველობის არჩევნებში თუ – არა, ჩვენი საზოგადოებისათვის ამას არ აქვს არანაირი არსებითი მნიშვნელობა, – განაცხადა საპარლამენტო უმრავლესობის წევრი გიორგი სოსიაშვილმა ადგილობრივი თვითმმართველობის ორგანოების არჩევნებში მონაწილეობის თემაზე ოპოზიციაში არსებულ დაპირისპირებაზე საუბრისას.
დეპუტატის თქმით, მმართველი გუნდი დამაჯერებლად გაიმარჯვებს 64-ვე მუნიციპალიტეტში.
„ისინი ელოდებიან თავიანთი მფარველების, პატრონების გადაწყვეტილებას – რასაც უკარნახებენ და უბრძანებენ, იმას შეასრულებენ. ასე რომ, მათ ბრძანებაზე და მათ დავალებაზე არიან დამოკიდებულები და არა თავიანთი პოლიტიკური მიზნების, ან რაღაცა იდეების განვითარებაზე. შესაბამისად, მე ვფიქრობ, რომ 64-ვე მუნიციპალიტეტში ჩვენ მოვიპოვოთ დამაჯერებელ გამარჯვებას, ისეთ გამარჯვებას, როგორიც ეკადრება ჩვენს საზოგადოებას და რომელიც სჭირდება ჩვენი ქვეყნის განვითარებას“, – აღნიშნა სოსიაშვილმა.
თვითმმართველობის არჩევნებთან დაკავშირებით რადიკალურ ოპოზიციაში ისევ დაპირისპირებაა. პარტიებს ამ საკითხზე სხვადასხვა მოსაზრება აქვთ. ამასთან, არსებული ინფორმაციით, „ნაციონალური მოძრაობის“ დანაყოფებში თვითმმართველობის არჩევნებისთვის ფარული მზადება დაწყებულია.