ლევან ჯანგველაძის ოჯახის ინტერესების დამცველი ტარიელ კაკაბაძე ამბობს, რომ თავიდანვე საუბრობდა იმაზე, რომ შეკვეთილ მკვლელობას ჰქონდა ადგილი.
„შინაგან საქმეთა სამინისტროს ბრიფინგით და ამ გადაწყვეტილებით დადასტურდა ყველაფერი ის, რაზეც მე როგორც დაზარალებულების ინტერესების დამცველი ადვოკატი მთელი თვეების განმავლობაში ვსაუბრობდი. პირველივე დღეებიდანვე ვაცხადებდი, რომ ეს იყო შეკვეთილი მკვლელობა, რომ გელა უძილაური მარტო არ მოქმედებდა, ჩვენ მივიღეთ შედეგი, რომ მკვლელობის შეკვეთის მუხლით არიან პირები პასუხისგებაში მიცემული და ასევე პასუხისგებაში მიცემული არიან სხვა ადამიანები. მათ შორის ადამიანი, რომელმაც ცრუ ინფორმაცია მიაწოდა საგამოძიებო ორგანოს“, – აღნიშნა ადვოკატმა.
საქმეზე დაკავებული გიორგი მიქაძის ადვოკატი მიხეილ ჭანუყვაძე კი ამბობს, რომ დაცვის სტრატეგიაზე ჩამოყალიბებული არ არის.
შინაგან საქმეთა სამინისტრომ ლევან ჯანგველაძის შეკვეთით მკვლელობის საქმე გახსნა, რომელშიც ბრალდებულები, ძმები დავით და გიორგი მიქაძეები არიან. მათგან ერთ-ერთი უკვე დაკავებულია.