შეკვეთით და ანგარებით განზრახ მკვლელობის ორგანიზება – ლევან ჯანგველაძის მკვლელობის საქმის ხუთივე მონაწილეს პატიმრობა შეეფარდა.
საქართველოში დაკავებული სამი პირის სასამართლო პროცესი შედგა, ქვეყნის გარეთ მყოფი, საქმის კიდევ ორი მონაწილე ძებნილია.
„საქმეში წარმოდგენილია არა მხოლოდ მოწმეთა ჩვენებები, არამედ გამოთხოვილია ათეულობით ტელეფონის ნომერზე მონაცემები, დათვალიერებულია არაერთი სათვალთვალო კამერის ჩანაწერები, ჩატარებულია გამოსახულების და ხმის ექსპერტიზები, ასევე ჩატარებულია ფარული საგამოძიებო მოქმედებები.
ამ მტკიცებულებათა ერთობლიობით, გელა უძილაურმა როდესაც ჩაიდინა მკვლელობა, ამის შემდეგ მან გარკვეული მარშრუტი გაიარა და მისი მთავარი მიზანი იყო გიორგი ჯოხაძესთან დაკავშირება იმ მიზნით, რაზეც ჩვენ გიორგი ჯოხაძეს ბრალს ვუყენებთ, რომ ეს არის შეკვეთით და ანგარებით განზრახ მკვლელობის ორგანიზება. მან ძმებ მიქაძეებთან ერთად დაგეგმა ამ მკვლელობის განხორციელება“, – აღნიშნა პროკურორმა ლევან ვეფხვაძემ.