დიდი ბრიტანეთი უკრაინას რუსეთთან ომის დასრულების შემდეგ პირველი არჩევნების ჩატარებაში დაეხმარება. ორი ქვეყნის საარჩევნო კომისიებმა ხელი მოაწერეს ახალ შეთანხმებას თანამშრომლობის შესახებ. ინფორმაციას ამის შესახებ უკრაინული მედია ავრცელებს.
უკრაინის ცენტრალურმა საარჩევნო კომისიამ დაადასტურა, რომ ახალი შეთანხმება „ხელს შეუწყობს ჩვენს თანამშრომლობას და გამოცდილების გაცვლისა და საუკეთესო პრაქტიკის დანერგვით დაეხმარება უკრაინაში დემოკრატიული ღირებულებების გაძლიერებას“.
კომისიამ ამას „სიმბოლური მომენტი“ უწოდა და დასძინა, რომ საუბარი ასევე ეხება დეზინფორმაციის წინააღმდეგ ბრძოლას, ასევე საზღვარგარეთიდან ხმის მიცემის ორგანიზებაში დახმარებას, რადგან მილიონობით უკრაინელი კვლავ ლტოლვილის სტატუსით იმყოფება სხვა ქვეყნებში.
კომენტარები