თეთრი სახლის პრესმდივნის, კეროლაინ ლევიტის განცხადებით, ვლადიმირ პუტინსა და ვოლოდიმირ ზელენსკის შორის ორმხრივი შეხვედრის გეგმები დამუშავების პროცესშია, რისთვისაც „მრავალი ვარიანტი“ განიხილება.
„ორივე ლიდერმა ერთმანეთთან დასხდომის სურვილი გამოთქვა, ამიტომ ჩვენი ეროვნული უსაფრთხოების ჯგუფი ორივე ქვეყანას ამაში დაეხმარება“, – განუცხადა ლევიტმა ჟურნალისტებს თეთრ სახლში გამართულ ბრიფინგზე.
კითხვაზე, თუ როგორ შეიცვალა გეგმები – შესაძლო სამმხრივი შეხვედრიდან ორმხრივზე – ლევიტმა განაცხადა, რომ „ეს იყო იდეა, რომელიც განვითარდა პრეზიდენტის საუბრების დროს პრეზიდენტ პუტინთან, პრეზიდენტ ზელენსკისთან და ევროპელ ლიდერებთან“, რომლებიც, მისი თქმით, „თანხმდებიან, რომ ეს შესანიშნავი პირველი ნაბიჯია“.
კომენტარები