ამაზე უარეს სცენარს ვერ წარმოვიდგენდით. ჩვენს გუნდს უხერხული მეტოქე – საქართველოს ნაკრები შეხვდა და, სამწუხაროდ, ვერ მოვერიეთ, ამ გუნდმა ფიზიკურად გვაჯობა“, – წერს ესპანური გამოცემა „მარკა“.
როგორც ავტორიტეტული გამოცემის სტატიაში ვკითხულობთ, საქართველოს ნაკრები კაპიტნის, თორნიკე შენგელიაs ჯანმრთელობის პრობლემამაც ვერ შეაჩერა.
„ამაზე უარეს სცენარს ვერ წარმოვიდგენდით. ჩვენს გუნდს უხერხული მეტოქე – საქართველოს ნაკრები შეხვდა და, სამწუხაროდ, ვერ მოვერიეთ, ამ გუნდმა ფიზიკურად გვაჯობა და მათი ლიდერების შეჩერებაც ვერ მოვახერხეთ. თორნიკე შენგელიას ჯანმრთელობის პრობლემებიც ვერ გახდა დაბრკოლება საქართველოსთვის – მკაცრი სამედიცინო გაფრთხილების მიუხედავად, მან მაინც ითამაშა“, – წერს გამოცემა „მარკა“.
საქართველოს ნაკრებმა ევრობასკეტის ჯგუფური ეტაპის პირველ ტურში ესპანეთი 83:69 დაამარცხა. მეორე ტურში ალექსანდარ ჯიკიჩის გაწვრთნილი გუნდი იტალიას შეხვდება. მატჩი 30 აგვისტოს, თბილისის დროით 16:00 საათზე დაიწყება და პირდაპირ ეთერში პირველი არხი შემოგთავაზებთ.