ჩვენ ამ ჯგუფურ ეტაპზე კონკრეტული მიზნით და მისიით ჩამოვედით. ჩვენი ნომერ პირველი მიზანია ჯგუფიდან გასვლა და რიგაში თამაში, – განაცხადა საქართველოს საკალათბურთო ნაკრების მთავარი მწვრთნელის ასისტენტმა ანატოლი ბოისამ.
მან „ქრონიკასთან“ საბერძნეთთან მატჩამდე გუნდში არსებულ ვითარებაზე ისაუბრა და აღნიშნა, რომ იტალიასთან მატჩის დროს მსაჯებისთვის მიყენებული სიტყვიერი შეურაცხყოფის გამო, ნაკრების კაპიტანს, თორნიკე შენგელიას დისკვალიფიკაცია არ მისცეს.
„რაც შეეხება თორნიკე შენგელიას საკითხს, დისკვალიფიკაციას გადავრჩით. ის მიიღებს მონაწილეობას დღევანდელ თამაშში, მაგრამ ლიმიტირებული წუთებით, მისი ჯანმრთელობიდან გამომდინარე – მიკროტრავმები გვაწუხებს. ასევე, თამაშის წინ მივიღებთ გადაწყვეტილებას რამდენიმე მოთამაშეზე – მიიღებენ თუ არა მონაწილეობას, იმიტომ რომ პატარა მიკროტრავმები გვაქვს დატვირთული თამაშების ფონზე“, – განაცხადა ბოისამ.
საქართველოსა და საბერძნეთის ნაკრებების შეხვედრას თბილისის დროით 16:00 საათზე დაიწყება.