მონტენეგროს პრემიერმინისტრმა დუშკო მარკოვიჩმა ბრიუსელის სამიტზე მომხდარ ინციდენტს „უწყინარი“ უწოდა და განაცხადა, რომ ამერიკის პრეზიდენტი, უდავოდ პირველ რიგში უნდა იდგეს. მარკოვიჩის განცხადებას Associated Press ავრცელებს.
აშშ-ის პრეზიდენტმა დონალდ ტრამპმა, ბრიუსელში ნატო-ს ახალი შტაბის დათვალიერების დროს, მის წინ მდგარი მონტენეგროს პრემიერმინისტრი დუშკო მარკოვიჩი ხელით გვერდზე გასწია. შემთხვევის ვიდეოს ჟურნალისტი სტივ კოპაკი ავრცელებს.
მონტენეგრო ნატოს სამიტზე პირველად მონაწილეობდა, მას შემდეგ რაც მისი გაწევრიანების შესახებ გადაწყვეტილების რატიფიცირება ალიანსის ყველა წევრი სახელმწიფოს მიერ მოხდა.
კომენტარები