მსოფლიო ჩემპიონატის საკვალიფიკაციო ეტაპის პირველ შეხვედრას, საქართველოს ეროვნული ნაკრები დღეს თურქეთის ნაკრებთან გამართავს. მატჩი ბორის პაიჭაძის სახელობის სტადიონზე 20:00 საათზე დაიწყება.
ფრანგმა მწვრთნელმა ვილი სანიოლიმ გუნდი გუშინ დინამო არენაზე ავარჯიშა. პროცესში მონაწილეობდა 24 ფეხბურთელი, მათ შორისაა სამი დებიუტანტი – ნოდარ ლომინაძე, გიორგი აბუაშვილი და გიორგი კვერნაძე.
თურქეთთან დღევანდელი შეხვედრის შემდეგ, 7 სექტემბერს, ჩვენი გუნდის მეტოქე ბულგარეთი იქნება. მომდევნო მატჩიც თბილისში, დინამო არენაზე გაიმართება.
4 და 7 სექტემბერს დაგეგმილი საფეხბურთო მატჩების გამო, „დინამო არენას“ მიმდებარე ტერიტორიაზე საავტომობილო მოძრაობა ნაწილობრივ შეიზღუდება.
კომენტარები