მედიაჰოლდინგ “რეპორტიორის” დამფუძნებელი გიორგი მამაცაშვილი სოციალურ ქსელში “იმედის” ჟურნალისტზე თავდახმას ეხმაურება.
“❗️ცალსახად ვაცხადებ: ეს არის ჟურნალისტურ საქმიანობაში აშკარად და დაუფარავად ხელისშემშლელი ქმედება, რაც ისჯება კანონმდებლობით!
ვიდრე მსგავსი “ბულინგი” და აგრესია არ იქნება აღკვეთილი და მსგავსი აგრესორები კანონის წინაშე არ იქნებიან პასუხისმგებელნი, ჟურნალისტების უფლებების დაცვაზე ხმა არა აქვთ ამოსაღები ლაკა ხოშტარიას და ხაბეიშვილ-ბოკუჩავას სექტას!
არავის არც დაჭერა მიხარია და სააკაშვილის ბოდვებში გაწაფული მხარდამჭერების მსგავსად არც მოქალაქეების მხრიდან მათ მიმართ გამოხატულ აგრესიაზე ვაბოდებ, მაგრამ დანაშაული არის დანაშაული!
რაც უკანასკნელ პერიოდში ხელისუფლების მომხრე ჟურნალისტების მიმართ ღვარძლი და აგრესია გადმოუნთხევიათ ე.წ. პროტესტანტებს (სინამდვილეში კი – კანონდამრღვევებს და კრიმინალურ ქმედებათა ხელისშემწყობებს!), მისი მეასედი რომ გამოგვეხატა “ტვპირველის”, “მთავარი არხის” ან “ფორმულას” ე.წ. ჟურნალისტების მიმართ, გუბაზ სანიკიძესა და ეკა კვესიტაძეს მილიონჯერ ვეყოლებოდით ანათემას გადაცემული…
სამწუხაროდ, არც მსგავსი შეურაცხყოფაა დასჯადი და პატარა ბავშვისა არ იყოს – გასდით და ამიტომაც არიან დიდ გულზე!
🔸 ერთიც უნდა ვთქვა: სუს-ის მიერ აღკვეთილი დანაშაული და ასაფეთქებელი ნივთიერებისა და მისი აქაური თუ იქაური პატრონების დაკავება უმნიშვნელოვანესი გადადგმული ნაბიჯია და მხოლოდ მადლობა ეთქმის სუს-ს და მამუკა მდინარაძეს!
❗️და მთავარი: ქართველი ჩეგევარაც, ანუ იგივე ხაბევარაც იმიტომ იყო დიდ გულზე, “მილიონსჩემტა” თავხედობა და უზრდელობა რომ შერჩა და იმედია, მისი დღევანდელი “მშვიდობიანი დამხობის” შემდეგ მაინც გაითვალისწინებენ ეს უზნეო და მორალდაკარგულები, რომ “ფუნა მხოლოდ ერთხელ ყვავის!”
და ამის შემდეგ მაინც გაითვალისწინებენ ალეკო ელისაშვილი, ლაკა ხოშტარია, ანი წითლიძე და მსგავსი ცხელთავიანები, რომ მოთმინებასაც აქვს საზღვარი…
მათ შორის, სახელწიფო სტრუქტურების მოთმინებასაც…
P.S.
“აცე, ვირო, ნუ მოკვდები, გაზაფხულზე იონჯა მოვაო” და – აცე, ხაბე, ნუ იდარდებ, 4 ოქტომბერი შვიდი წლის მერეც სამი ოქტომბრის შემდეგ დგება…”