მექსიკაში, ოაქსაკას რეგიონს ძლიერმა შტორმმა გადაუარა, რასაც მსხვერპლი მოჰყვა. გადაუღებელი წვიმის გამო დაიტბორა დასახლებები, ზოგიერთ რაიონში კი მეწყერიც ჩამოწვა.
მაშველების განცხადებით, უამინდობას ორი ადამიანი ემსხვერპლა. მცირეწლოვანი ბავშვი და შუა ხნის მამაკაცი სახლის დამეწყვრის შედეგად დაიღუპნენ.
ძლიერმა ქარმა შენობებს სახურავები ახადა და ხეები წააქცია, დაზიანდა ხიდებიც. შტორმის გამო რეგიონში დროებით შეწყდა საზღვაო და ავიამიმოსვლა. დაზარალებულ რეგიონში სამაშველო აღდგენითი ოპერაცია მიმდინარეობს. მოსახლეობის დასახმარებლად ეროვნული გვარდიაც გაიგზავნა.
კომენტარები