გაეროს გენერალური მდივნის მეხუთე ანგარიშში, რომელიც მსოფლიოში მშვიდობისთვის არსებულ საფრთხეებს ეძღვნება, ნათქვამია, რომ ტერორისტული დაჯგუფება “ისლამური სახელმწიფოს” რიგებში 20 000-მდე წევრია. ანგარიში, ხუთშაბათს, გაეროს უშიშროების საბჭოს სხდომაზე წარადგინეს.
დოკუმენტის თანახმად, “ისლამური სახელმწიფოს” ტერორისტების რაოდენობა გასული 16 თვის განმავლობაში საგრძნობლად შემცირდა და დღეისათვის 12 ათასიდან 20 ათასამდეა. ასევე შენელდა ერაყსა და სირიაში უცხოელი ტერორისტების ნაკადი მთელი რიგი რაიონებიდან, თუმცა ანგარიშის თანახმად, ახლა სერიოზულ საფრთხეს ქმნის ამ ადამიანების საკუთარ ქვეყნებში დაბრუნება და მათი გადაადგილება კონფლიქტის ზონიდან სხვა რეგიონებში.
კომენტარები