ალექსეი ნავალნის სასამართლომ 30-დღიანი პატიმრობა შეუფარდა

მოსკოვის სიმონოვსკის რაიონულმა სასამართლომ ოპოზიციონერ ალექსეი ნავალნის 30-დღიანი პატიმრობა შეუფარდა.
ალექსეი ნავალნი გუშინ თავისი სახლის სადარბაზოში დააკავეს, როდესაც ის კორუფციის წინააღმდეგ მიმართულ აქციაზე მიდიოდა. ნავალნის ბრალად ედება პოლიციის თანამშრომლებისთვის დაუმორჩილებლობა და მასობრივი ღონისძიების ორგანიზების დარღვევა.
თავდაპირველად ორგანიზატორებმა მოსკოვის ხელისუფლებასთან შეათანხმეს, რომ აქცია სახაროვის გამზირზე გაიმართებოდა, თუმცა აქციის ჩატარებამდე ერთი დღით ადრე ალექსეი ნავალნიმ განაცხადა, რომ აქცია ტვერსკაიას ქუჩაზე გაიმართებოდა.
რუსეთის შს სამინისტროს მონაცემებით, მოსკოვში და სანკტ-პეტერბურგში გუშინ გამართულ ანტიკორუფციულ აქციებზე 650 ადამიანი დააკავეს. ”პოლიტიკური დევნის მონიტორინგის ორგანიზაციის” მონაცემებით კი, მოსკოვში 730 ადამიანი, ხოლო სანკტ-პეტერბურგში კი 300 პირი დააკავეს.