ლონდონში ცეცხლმოკიდებული მრავალსართულიანი კორპუსის მეათე სართულიდან ბავშვი გადმოაგდეს, რომელიც შენობასთან მყოფმა ხალხმა დაიჭირა. ბავშვი უვნებელი გადარჩა.
6 ადამიანი დაიღუპა და 50 დაშავდა ლონდონში, 24-სართულიან საცხოვრებელ კორპუსში გაჩენილი ხანძრის შედეგად. დაშავებულები სამედიცინო დაწესებულებებში არიან გადაყვანილი. ლონდონის პოლიცია ვარაუდობს, რომ მსხვერპლი, შესაძლოა გაიზარდოს.
შემთხვევის ადგილზე სამძებრო-სამაშველო სამუშაოები გრძელდება, რადგან ხანძრის სრულად ჩაქრობა ამ დრომდე ვერ მოხერხდა. ხანძარს 40 სახანძრო მანქანა და 200 მაშველი ებრძვის.
ხანძარი ლონდონის ცენტრში მდებარე 24-სართულიან საცხოვრებელ კორპუსში დღეს გამთენიისას გაჩნდა. ხანძრის გამომწვევი მიზეზი ჯერჯერობით უცნობია.
კომენტარები