სომალის დედაქალაქ მოგადიშოს ერთ-ერთ რესტორანში გუშინ მომხდარი თავდასხმის შედეგად დაღუპულთა რიცხვი 31-მდე გაიზარდა. დაახლოებით 40-მა ადამიანმა სხვადასხვა სიმძიმის დაზიანებები მიიღო.
ოთხშაბათს საღამოს სომალის დედაქალაქის ცენტრში, დანაღმული ავტომობილი რესტორანთან აფეთქდა. ამავე შენობაში სასტუმროც მდებარეობს, სადაც ქალაქში ერთადერთი დისკოთეკაა. აფეთქების შემდეგ შენობაში სროლა ატყდა. ექსტრემისტები სასტუმროში შეიჭრნენ და რამდენიმე ადამიანი მძევლად აიყვანეს. ექსტრემისტების განეიტრალება დილით მოხდა, ხუთივე თავდამსხმელი ლიკვიდირებულია.
თავდასხმაზე პასუხისმგებლობა ტერორისტულმა დაჯგუფება „აშ-შაბაბმა“ აიღო. ეს ორგანიზაცია ქვეყნის ცენტრალური ხელისუფლების წინააღმდეგ იბრძვის და გაეროს ჰუმანიტარულ საქმიანობას უშლის ხელს.
კომენტარები