აშშ-ის სამხედრო საზღვაო ფლოტის 2 სამხედრო გემი ჩავიდა ყატარის პორტში, სადაც ქვეყნის ტერიტორიულ წყლებში დადეგმილ წვრთნებში მიიღებს მონაწილეობას.
ტელეკომპანია “ალ-ჯაზირას” ინფორმაციით, პოლიტიკური კრიზისის ფონზე, დღეს, სწავლების ფარგლებში, ორივე ქვეყნის სამხედროები რაკეტებს გაუშვებენ. ასევე, ყატარისა და ამერიკის ავიაციის მონაწილეობით დაშავებულთა ევაკუაციის ოპერაცია გაიმართება.
ტელეკომპანია კატარის ბლოკადასთან და წვრთნების კავშირს გამორიცხავს და მას “დაგეგმილ” მანევრს უწოდებს.
რეგიონის მასშტაბით, ყატარში აშშ-ის ერთ-ერთი უმსხვილესი ბაზაა განთავსებული.
15 ივნისს გავრცელებული ცნობით, ყატარი აშშ-ისგან 12 მილიარდი დოლარის ოდენობის 36 ავიაგამანადგირებელ F-15-ს შეიძენს.
9 ივნისს კი, აშშ-ის პრეზიდენტმა ყატარი ტერორიზმის დაფინანსებაში დაადანაშაულა და განაცხდა, რომ ამას ბოლო უნდა მოეღოს.
ბრალდების საფუძველი გახდა ინფორმაცია, რომლის მიხედვბით ყატარმა სამეფო ოჯახის წევრების გათავისუფლების სანაცვლოდ, ტერორისტებს გამოსასყიდის სახით, თითქმის 1 მილიარდი აშშ დოლარი გადაუხადა.
5 ივნისს ყატართან დიპლომატიური ურთიერთობა საუდის არაბეთმა, ბაჰრეინმა, არაბეთის გაერთიანებულმა საემიროებმა, ეგვიპტემ, ლიბიამ, მალდივიმ და მავრიკიის რესპუბლიკამ გაწყვიტეს. აშშ-ის პრეზიდენტიც ყატარის იზოლაციისმომხრეა.