საუდის არაბეთის მეფემ სალმან ბენ აბდელ აზიზ ალ საუდმა ახალი მემკვიდრე პრინცი დანიშნა. როგორც სააგენტო „ფრანს პრესი“ იუწყება, პრინცი მუჰამედ ბენ ნაიფ ალ საუდის ნაცვლად, მემკვიდრე პრინცად საუდის არაბეთის მეფის 31 წლის შვილი მუჰამედ ბენ სალმან ალ საუდი დაინიშნა.
სააგენტოს ინფორმაციით, მუჰამედ ბენ სალმან ალ საუდი ასევე დაინიშნა პრემიერის პირველ მოადგილედ და მან ასევე შეინარჩუნა თავდაცვის მინისტრის პოსტი.
სამეფო ბრძანების თანახმად, მუჰამედ ბენ ნაიფ ალ საუდს არა მხოლოდ ჩამოერთვა მემკვიდრე პრინცის ტიტული, არამედ ასევე პრემიერის პირველი მოადგილისა და შს მინისტრის პოსტიდან მოხსნეს.
კომენტარები