ესპანელმა სამართალდამცველებმა მადრიდში ჩატარებული სპეცოპერაციის შედეგად სამი პიროვნება დააკავეს, რომელთა შორისაც “ისლამურ სახელმწიფოსთან” კავშირში ეჭვმიტანილიც არის. ინფორმაციას Express.co.uk ავრცელებს.
პოლიციის ცნობით, დაკავებული 32 წლის არის, წარმოშობით მაროკოელია და მადრიდში ცხოვრობს. როგორც პოლიცია ამბობს, “დაკავებული სწორედ ისეთსავე საფრთხეს წარმოადგენს, როგორც დიდ ბრიტანეთსა და საფრაგენთში მომხდარი ტერაქტების შემსრულებლები”, – წერია პოლიციის მიერ გავრცელებულ განცხადებაში.
სამართალდამცველები აცხადებენ, რომ დაკავებული პიროვნება ისლამურ სახელმწიფოსთვის ინფორმაციებს აგროვებდა, გამოძიების შედეგად მისი და ისლამური სახლემწიფოს ტერორისტებთან ინტერნეტში კომუნიკაციის ფაქტებიც დადგინდა. გარდა ამისა, ის ადამიანების გადაბირებას ცდილობდა.
პოლიციამ ამ პიროვნებასთან ერთად კიდევ ორი ადამიანი დააკავა. ისინიც 33 და 38 წლის მაროკოელები არიან, რომლებიც ზემოთაღნიშნულ დაკავებულთან ერთად ცხოვრობდნენ.
2015 წლის 26 ივნისიდან, მას შემდეგ რაც ესპანეთში ტერორიზმის საფრთხის მეოთხე დონე ამოქმედდა, ქვეყანაში ტერორიზმთან კავშირის ბრალდებით 172 ადამიანი დააკავეს.