იტალიის ყოფილმა პრემიერ-მინისტრმა სილვიო ბერლუსკონიმ განაცხადა, რომ აშშ-ის პრეზიდენტ დონალდ ტრამპთან დაკავშირებით ყველაზე მეტად მისი მეუღლე, მელანია ტრამპი მოსწონს.
Reuters-ის ცნობით, ასე უპასუხა მან ტელეეთერში გადაცემა La7-ის წამყვანს.
კითხვაზე, რას გრძნობს, როდესაც მას ხანდახან დონალდ ტრამპს ადარებენ, მილიარდერი აცხადებს, რომ ეს მისთვის არაფერს ნიშნავს, თუმცა შემდეგ დასძინა, რომ ტრამპთან დაკავშირებით ყველაზე მეტად მისი მეუღლე მოსწონს.
„როგორც სავაურაუდოდ ყველა მამაკაცს, მე მელანია მომწონს მისი სილამაზის, სტილისა და მომხიბვლელობის გამო“,-განაცხადა 80 წლის ბერლუსკონიმ.
მისივე თქმით, პირადად არ იცნობს, თუმცა ბევრი სმენია მელანია ტრამპზე და ისიც დასძინა, რომ აშშ-ში დემოკრატებიც კი არ აკრიტიკებენ ახალ პირველ ლედის.
ბერლუსკონისგან შეფასება ადრე საფრანგეთის პირველმა ლედიმ ბრიჟიტ მაკრონმაც მიიღო. ბერლუსკონიმ ემანუელ მაკრონის შესახებ განაცხადა, რომ ის „კარგი ყმაწვილია კარგი შესახედაობის დედით“.