ათენის ქართველ მიგრანტთა საინფორმაციო ცენტრს თხოვნით მიმართეს იქაურმა ქართველებმა და საბერძნეთ-თურქეთის საზღვრიდან გაუჩინარებული საქართველოს მოქალაქის, 1998 წელს დაბადებული გივი მჭედლიშვილის ძებნაში დახმარება სთხოვეს.
ცნობილია მხოლოდ ის, რომ გივი მჭედლიშვილმა მესაზღვრეთა გადაწყვეტილებით ვერ შეძლო ევროკავშირის საზღვრის კვეთა, თუმცა ამის შემდეგ იგი არავის უნახავს და 3 დღეა გაუჩინარებულია. მის შესახებ სხვა არანაირი ინფორმაცია ოჯახს არ გააჩნია.
გივი მჭედლიშვილი რომელსაც მცირე ჯანმრთელობის პრობლემებიც აქვს, საბერძნეთში, კერძოდ, ათენში დედის მოსანახულებლად მოწვევის საფუძველზე მოემგზავრებოდა.
ათენის ქართველ მიგრანტთა საინფორმაციო ცენტრი თხოვნით მიმართავს ქ. თესალონიკში საქართველოს გენერალურ კონსულს მუხრან გულაღაშვილს და ქ. სტამბოლში საქართველოს გენერალური კონსულს ირაკლი ასაშვილს განახორციელონ მათ ხელთ არსებული შესაძლებლობები და დახმარება გაუწიონ ოჯახს, რათა დროულად იქნას მოძიებული გაუჩინარებული, საქართველოს მოქალაქე გივი მჭედლიშვილის ამჟამინდელი ადგილსამყოფელი და ჯანმრთელობის მდგომარება.
ამასთან ქართველი მიგრანტები სთხოვენ საბერძნეთის და თურქეთის რესპუბლიკებში მცხოვრებ ქართველებს თუ ვინმეს ეცნობა აღნიშნული პიროვნება დაუყოვნებლივ დარეკონ შემდეგ ნომრებზე:
+ 306994442225 – ათენის ქართველ მიგრანტთა საინფორმაციო ცენტრი.
+90 541 818 44 00 – ქ. სტამბოლში საქართველოს გენერალური საკონსულო.
+30 2310 42-90-09 – ქ. თესალონიკში საქართველოს გენერალური საკონსულო