ოპოზიციად წოდებული სხვადასხვა მავნებლის გაერთიანებას რეალურ პოლიტიკურ ძალად ვერ ვხედავ, ეს ის ძალაა, რომელიც საზღვარგარეთიდან იმართება, – ამის შესახებ „ხალხის ძალის“ წევრმა, ეკა სეფაშვილმა განაცხადა.
სეფაშვილის შეფასებით, ოპოზიციისთვის გაერთიანებებს არანაირი შედეგი არ მოუტანია და მათი მცდელობა ახლაც კრახისთვის არის განწირული.
„ისინი უცხოელი პატრონებისგან დავალებას იღებენ და ასეთი გაერთიანებები ყოველ წელს აქვთ, თუმცა მათთვის ამ გაერთიანებებს არანაირი შედეგი არ მოუტანია. როგორც ჩანს, მორიგი დავალება მიიღეს, რომ გაერთიანდნენ და რაღაც საერთო ფრონტით შეუტიონ ქართველ ხალხს და საქართველოს ხელისუფლებას, თუმცა მათი მცდელობა კრახისთვის არის განწირული. მათ შორის დაპირისპირება უკვე დაიწყო, რომელიც მალე კიდევ უფრო მეტად გაღრმავდება და ისევ ისე დაიშლებიან, როგორც აქამდე არაერთხელ მომხდარა“, – აღნიშნა სეფაშვილმა.