სამიტის ფარგლებში საქართველოს პრეზიდენტს შეხვედრა ექნება ყაზახეთის პრეზიდენტთან და ისაუბრებენ საქართველო-ყაზახეთის საკითხებსა და პერსპექტივებზე, – განაცხადა საგარეო საქმეთა მინისტრის მოადგილემ ალექსანდრე ღვთისიაშვილმა.
მან პრეზიდენტის ასტანაში ვიზიტთან დაკავშირებით ისაუბრა.
„ეს არის მაღალი დონის სამიტი, რომელშიც ასევე მონაწილეობას იღებენ სხვადასხვა საერთაშორისო ორგანიზაციის ხელმძღვანელები, რეგიონის ქვეყნების პრეზიდენტები, სხვადასხვა ქვეყნის მაღალი დონის სტუმრები. საქართველოს პრეზიდენტს შესაძლებლობა ექნება სიტყვით გამოვიდეს სამიტზე და მიმართოს დამსწრეებს. საქართველო და ყაზახეთი სტრატეგიული პარტნიორები არიან. ჩვენ ყაზახეთთან ერთად ვახორციელებთ რამდენიმე მნიშვნელოვან გლობალურ პროექტს. სამიტის ფარგლებში საქართველოს პრეზიდენტს შეხვედრა ექნება ყაზახეთის პრეზიდენტთან და ისაუბრებენ საქართველო-ყაზახეთის საკითხებსა და პერსპექტივებზე“, – აღნიშნა ღვთისიაშვილმა.
საქართველოს პრეზიდენტი ყაზახეთში დელეგაციასთან ერთად იმყოფება, რომლის შემადგენლობაში საქართველოს გარემოს დაცვისა და სოფლის მეურნეობის მინისტრი დავით სონღულაშვილი, საქართველოს პრეზიდენტის ადმინისტრაციის უფროსი ქეთევან კვინიკაძე და საქართველოს საგარეო საქმეთა მინისტრის მოადგილე ალექსანდრე ხვთისიაშვილი არიან.