ჰამბურგში ანტიგლობალისტებთან შეტაკებების შედეგად, პოლიციის 197 თანამშრომელი დაშავდა. ძალადობრივი საპროტესტო აქციის შედეგად, დაშავებულთა რაოდენობა შესაძლოა კიდევ გაიზარდოს. ინფორმაციას Deutsche Welle ავრცელებს.
ამ ეტაპზე, სულ 102 ადამიანია დაკავებული.დემონსტრანტებმა საბურავები დაწვეს და პროვოკაციული ქმედებებით გამოირჩეოდნენ. მათი ქმედებების საპასუხოდ, სამართალდამცავებმა წყლის ჭავლი გამოიყენეს.
სამართალდამცავების განმარტებით, აქციაში დაახლოებით 8 ათასი ადამიანი მონაწილეობდა. “პოლიციელები გვცემდნენ, თავს ცრემლსადენი გაზითა და წყლის ჭავლით დაგვესხნენ”, – განუცხადა გამოცემა Hamburger Morgenpost-ს ანტი-გლობალისტური მოძრაობა BlockG20-ის წარმომადგენელმა კრისტიანა ბლანკამ.
კომენტარები