აშშ-ის სახელმწიფო მდივანმა, მარკო რუბიომ, ჩინეთს მოუწოდა ირანის საგარეო საქმეთა მინისტრს, აბას არაღჩის გზავნილი გადასცეს, რომ ჰორმუზის სრუტეში გაგრძელებული მტრობა თეირანის “გლობალურ იზოლაციას” გამოიწვევს.
“იმედი მაქვს, ჩინელები ეტყვიან მას – რასაც თქვენ სრუტეებში აკეთებთ, თქვენს გლობალურ იზოლაციას იწვევს. ამ სიტუაციაში “ბოროტმოქმედები” თქვენ ხართ. თქვენ არ უნდა აფეთქებდეთ გემებს. თქვენ არ უნდა აგებდეთ ნაღმებს,” -განაცხადა რუბიომ და ირანი “გლობალური ეკონომიკის მძევლად აყვანის მცდელობაში” დაადანაშაულა.
ვაჭრობის თვალსაზრისით, რუბიომ აღნიშნა, რომ ირანის შეჩერება როგორც ჩინეთის, ისე შეერთებული შტატების ორმხრივ ინტერესებშია.
“აშკარაა, რომ ჩინეთის ეკონომიკა ექსპორტზეა ორიენტირებული. ეს ნიშნავს, რომ ისინი სხვა ქვეყნებზე არიან დამოკიდებულნი, რომლებიც მათგან პროდუქციას ყიდულობენ. თქვენ ვერ იყიდით მათგან ვერაფერს, თუ ტვირთის გადაზიდვა შეუძლებელი იქნება და ვერ იყიდით ვერაფერს, თუ თქვენს ეკონომიკას ის გაანადგურებს, რასაც ირანი აკეთებს. ჩინეთის ინტერესებშია, რომ ირანმა შეწყვიტოს სრუტეების გადაკეტვა; ეს თავად ჩინეთსაც აზიანებს,”– აღნიშნა რუბიომ.
მიუხედავად იმისა, რომ სანქციების შესახებ კითხვებზე რუბიომ პასუხისმგებლობა აშშ-ის ფინანსთა სამინისტროს გადააბარა, მან ჩინეთი გააფრთხილა, რომ სანქციების იგნორირების შემთხვევაში, პეკინს შესაბამისი შედეგების გადატანა მოუწევს.