9 მაისი ევროპის დღეა და აქ ევროპის ყველა მოქალაქეს შეუძლია დასვას შეკითხვა თუ რა ხდება. გარეთ თუ შეხედავთ შენობას, წერია – დემოკრატია, რაც ორუელისეულ დიდ რეკლამას მოგვაგონებს. რეალურად კი მე შეშფოთებული ვარ, რადგან დემოკრატია საჭიროებს პრესის თავისუფლებას იმ შემთხვევაშიც კი თუკი ეს პრესა არ იზიარებს იმ მოსაზრებას, რასაც ამ პარლამენტის უმრავლესობა, – განაცხადა „ქრონიკასთან“ ევროპარლამენტარმა ტიერი მარიანიმ, რასა იუკნევიჩიენეს მიერ მომზადებულ რეზოლუციაზე, რომელშიც ის მედიასაშუალებების – „იმედის“, „რუსთავი2“-ისა და „პოსტივის“ სანქცირებას ითხოვს.
როგორც ტიერი მარიანმა „ქრონიკასთან“ განაცხადა, როდესაც რომელიმე ევროპარლამენტარი საუბრობს, რომელიმე მედიის აკრძალვაზე, ეს იგივეა, რომ დემოკრატიის აკრძალვა მოითხოვოს.
„როცა ზოგიერთი ევროპარლამენტარი, რომელთაც სიტყვა დემოკრატია მხოლოდ პირზე აკერიათ, ამბობს რომ ზოგიერთი მედია უნდა ავკრძალოთო, არ აქვს მნიშვნელობა რომელ მედიაზე საუბრობენ, მედიაზე საქართველოდან, სერბეთიდან თუ სხვა ქვეყნიდან. პრობლემა იმაშია, რომ ამით ისინი დემოკრატიას კრძალავენ, კრძალავენ სიტყვის თავისუფლებას და აზრთა მრავალფეროვნებას. ამიტომაც, გაოგნებული ვარ. არიან ქვეყნები, როგორებიცაა სერბეთი და საქართველო, რომლებიც კანდიდატი სახელმწიფოები არიან და მათი ადგილი ევროკავშირშია, თუმცა ამ შემთხვევაში მათი განსხვავებულობაც უნდა მივიღოთ. თუკი ეს ქვეყნები ირჩევენ მთავრობას, რომელიც ამ ევროკომისიასთან თანხვედრაში არ არის, ყველაფერი ერთმანეთში არ უნდა ავურიოთ. მათ აქვთ განსხვავებული არჩევანის უფლება. მედიის აკრძალვა იმის გამო, რომ ამა თუ იმ ქვეყნის მთავრობა ან თავად მედია არ არის ევროკავშირის მოსაზრებებთან თანხვედრაში, ასეთი რამ ვფიქრობ საბჭოთა კავშირის პერიოდში ხდებოდა.
მე ვემხრობი სიტყვის თავისუფლებას. მედიის აკრძალვა, პირველ რიგში სისულელეა. თანამედროვე ხელსაწყოებით, ვიპიენის გამოყენებით ყველაფრის ნახვა შეიძლება. მეორე რიგში, კი ეს კარგი ნიშანი არ არის. თუკი დემოკრატია ვართ მაშინ უნდა გვქონდეს დებატების მიმღებლობა, უნდა გვესმოდეს, რომ ზოგიერთ მთავრობას თუ მედიას განსხვავებული მოსაზრებები იქნება. ცხადია მე ამ ანგარიშს მხარს არ დავუჭერ. მე არასოდეს არ ვუჭერ მხარს სოციალური ქსელებისა თუ მედიის შეზღუდვას, რადგან ეს დემოკრატიას არ შეესაბამება. თუკი ევროკავშირი ასეთად უნდა იქცეს, მაშინ მრჩება შთაბეჭდილება, რომ წარსულში ვბრუნდებით“, – განაცხადა ტიერი მარიანმა.