“სომხეთი დღეს შესულია ევრობიუროკრატიის ორბიტაზე ისევე, როგორც მანამდე იქ შევიდა მოლდოვა და უკრაინა”

სომხეთში ჩატარებული არჩევნები შეაფასა ეუთო/ოდირის სადამკვირვებლო ჯგუფის ხელმძღვანელმა, რომელმაც ბრძანა, რომ მსგავსი დარღვევებით ჩატარებული არჩევნები მის პრაქტიკაში არ ახსოვს და უნახავს, – განაცხადა გადაცემაში „EURO ანატომია“ „ხალხის ძალის“ წევრმა დავით ქართველიშვილმა სომხეთში ჩატარებულ არჩევნებზე საუბრისას.

მისივე თქმით, სომხეთში ჩატარებული არჩევნები ყველაზე მკაფიოდ სწორედ ეუთო/ოდირის სადამკვირვებლო ჯგუფის ხელმძღვანელმა შეაფასა.

„ეს ნიშნავს იმას, რომ სომხეთი დღეს შესულია ევრობიუროკრატიის ორბიტაზე ისევე, როგორც მანამდე იქ შევიდა მოლდოვა და უკრაინა. ამ შემთხვევაში როგორც არ უნდა ჩატარდეს არჩევები, რა დარღვევებიც არ უნდა დაფიქსირდეს ევრობიუროკრატიის მხრიდან, ჩვენ ვერ გავიგებთ ვერც შეშფოთებას, ვერც დემოკრატიის უკუსვლის შესახებ ლექციას, რადგან ისინი ასრულებენ იმ დავალებას საარჩევნო შედეგების თვალსაზრისით, რომელიც ბრიუსელის ინტერესებში შედის.

როგორც კი ასეთი შედეგი შეიძლება დააფიქსიროს ამ ორბიტის მიღმა მყოფმა საერთაშორისო სამართლის ნებისმიერმა სუბიექტმა, იქ აუცილებლად იქნება შეშფოთებაც და საუბრებიც დემოკრატიის უკუსვლაზე“, – აღნიშნა დავით ქართველიშვილმა.