დიდი ბრიტანეთის პრემიერ-მინისტრმა კირ სტარმერმა, რომელიც გადადგომისთვის ემზადება, განაცხადა, რომ ნატოს გენერალური მდივნის პოსტის დაკავებით არის დაინტერესებული, – წერს The Observer-ი.
გაზეთის ცნობით, სტარმერს ბრიტანეთის მთავრობის მნიშვნელოვანი მხარდაჭერის მოპოვება დასჭირდება, რათა ნატოს გენერალური მდივნის სავარძლის დაკავების თუნდაც მცირე შანსი ჰქონდეს. მიუხედავად იმისა, რომ ამ თანამდებობაზე არჩევა ფორმალური კენჭისყრის გარეშე ხდება, ის ერთიანი კანდიდატურის ირგვლივ ნატოს ყველა წევრი ქვეყნის პოლიტიკურ თანხმობას მოითხოვს.
გამოცემა პროგნოზირებს, რომ სტარმერს 32 ქვეყნის მხარდაჭერის მოპოვება გაუჭირდება, ვინაიდან პოლიტიკური შეთანხმებების მიღწევა მისი ძლიერი მხარე არ არის.
ალიანსის გენმდივნის პოსტი, რომელიც ამჟამად მარკ რუტეს უკავია, 2028 წელს ვაკანტური გახდება, თუკი მისი უფლებამოსილება წევრი ქვეყნების საერთო თანხმობით არ გახანგრძლივდება.