“შეერთებული შტატები პასუხს აგებინებს ყველას დესტაბილიზაციური და აგრესიული ქმედებების გამო, თუკი ეს საფრთხეს ჩვენს და ჩვენი მოკავშირეების ეროვნულ ინტერესებს შეუქმნის”– ასე გამოეხმაურა სენატორი ჯონ მაკკეინი, აშშ-ის პრეზიდენტის დონალდ ტრამპის მიერ კანონპროექტზე ხელმოწერის საკითხს.
როგორც სენატორმა აღნიშნა, ვლადიმირ პუტინმა და მისმა რეჟიმმა ამერიკის დემოკრატიაზე თავდასხმის, ადამიანის უფლებების შელახვისა და ყირიმის ოკუპაციისა და უკრაინაში ვითარების დესტაბილიზაციის გამო რეალური საფასური უნდა გადაიხადოს.
ის ფაქტი, რომ რუსეთის წინააღმდეგ სანქციების შესახებ კანონპროექტი შეერთებული შტატების კონგრესმა პარტნიორი ქვეყნების ინტერესების გათვალისწინებით შეიმუშავა – მოიწონა ევროკომისიის პრეზიდენტმა. მანამდე, ევროპულ მედიასთან ინტერვიუში ჟან კლოდ იუნკერმა განაცხადა, რომ ამ საკითხთან დაკავშირებით ევროპა თავის ეკონომიკურ ინტერესებს დაიცავს.