უკვე ორ საათზე მეტია, შესაბამისი სამსახურები სოფელ დაბასთან ცეცხლის ლოკალიზებას ცდილობენ. დასახლებული პუნქტებიდან ცეცხლის კერასთან ყველაზე ახლოს სოფელი ყვიბისია. როგორც ადგილზე აცხადებენ, ამ ეტაპზე დასახლებულ პუნქტზე ცეცხლის გადასვლის საშიშროება არ არსებობს, თუმცა ხანძრის გავრცელების თავიდან ასაცილებლად თხრილები კეთდება. ინფორმაციას 1tv ავრცელებს.
ხანძრის სალიკვიდაციო სამუშაოებში შინაგან საქმეთა სამინისტროს სასაზღვრო პოლიციის ვერტმფრენია ჩართული. სამუშაოებში ადგილობრივი მოსახლეობაც ჩაერთო.
სოფელ დაბასთან, 2008 წლის ნახანძრალ ტერიტორიაზე ხანძარი რამდენიმე საათის წინ გაჩნდა. ცეცხლი 2014-2017 წლებში აღდგენილი ტერიტორიებს ზემოთ არსებულ ფერდობზე დაახლოებით 1 ჰა ფართობზეა გავრცელებული.
კომენტარები