მე მფრინავებს განსაკუთრებულ მადლობას მოვახსენებ, რადგან ამ დღეების განმავლობაში 2100-ზე მეტი შემოფრენა განახორციელეს და 2100-ზე მეტჯერ დაასხეს წყალი ხანძრის კერებს, – ამის შესახებ ჟურნალისტებს შინაგან საქმეთა მინისტრმა, გიორგი მღებრიშვილმა ბორჯომის ხეობაში განუცხადა.
,,2100-ზე მეტი შემოფრენა გააკეთეს ვერტმფრენებმა და 2100-ჯერ მეტჯერ დაასხეს წყალი ხანძრის კერებს, სულ 5 200 ტონაზე მეტი წყალი იყო გამოყენებული ხანძრის ჩასაქრობად. მფრინავებმა კოლოსალური მუშაობა გასწიეს. ეს პრაქტიკულად გმირობის ტოლფასი იყო“, – განაცხადა მღებრიშვილმა.
შს მინისტრმა არ გამორიცხა, რომ უკვე ხვალ ხეობაში დარჩენილმა მეზობელი ქვეყნის ავიაციამ, ტექნიკამ და ცოცხალმა ძალამ საქართველო დატოვოს.
,,მეგობარი ქვეყნები ალბათ უახლოეს პერიოდში, შესაძლებელია, ხვალ დატოვებენ ზონას, ვინაიდან ამ ეტაპზე მათი დახმარება საჭირო არ არის. დიდი მადლობა მათ იმისთვის, რომ ოპერატიულად გამოიჩინეს გულისხმიერება. გამოვიდნენ და გვერდში დაგვიდგნენ“, – განაცხადა გიორგი მღებრიშვილმა.